Dr. Jón Bragi Bjarnason heitinn var prófessor í lífefnafræði við Háskóla Íslands og var hann meðal fremstu lífefnafræðinga í heimi. Hann var leiðandi í rannsóknum á græðandi eiginleikum sjávarensíma sem hann svo síðar þróaði í hinar byltingarkenndu húðvörur DrBRAGI.

Dr. Jón Bragi helgaði ævistarf sitt rannsóknum og prófunum á sjávarensímum og lækningarmætti þeirra og fékk hann einkaleyfisskráningu á heimsvísu á hinni byltingarkenndu tækni sinni við að beisla og nýta áhrifamátt sjávarensíma. Einnig hlaut hann fjölda verðlauna og viðurkenninga fyrir störf sín. 

Jákvæðar niðurstöður úr rannsóknum og prófunum urðu hvatinn að því að Dr. Jón Bragi þróaði húðvörur sem innihalda áhrifamátt sjávarensíma. Úr varð húðvörulínan DrBRAGI sem byggist á hans áratuga rannsóknum og prófunum auk raunverulegs sjáanlegs árangurs. Þar fer saman lífefnafræði og hrein, náttúruleg og virk innihaldsefni sem unnin eru úr íslenska þorskinum.

„Ég hef helgað ævistarf mitt rannsóknun á sjávarensímum og áhrifamætti þeirra. Ég hef ekki minnstu efasemdir um að þið munið verða undrandi á þeim jákvæðu áhrifum sem vörur mínar geta haft á húð ykkar“

Dr. Jón Bragi Bjarnason, PhD